Njëri nga udhëheqësit e Këshillit Grevist, përgjegjësi i shërbyesve civilë, Ali Sefaj, në një postim në Facebook, ka thënë se ka ardhur koha për reflektim, dhe se mësimi duhet filluar.
BSPK-ja ka shpallur grevën e përgjithshme më 25 gusht, në të cilën grevë janë edhe mësimdhënësit.
Sefaj ka thënë se është obligim i Qeverisë të garantojë të drejtën për mësim, për organizim sindikal dhe për greva.
“Është obligim i Qeverisë me fillu dialogun social mi adresu kërkesat e sindikatave, e këshillave greviste dhe mi dhanë fund grevës, duke i rikthyer fëmijët në shkolla dhe shërbimet në administratë. Por Qeveria në vend të dialogut vendosi mbylljen, presionin, e talljen ndaj sindikatave dhe këshillave greviste, duke ua pamundësuar marrëveshjen për daljen nga greva. Kur Qeverisë si bëjnë përshtypje humbjet që mund të shkaktohen nga grevat, por vazhdon me avazin e mbylljes, revanshit dhe linçimit ndaj përfaqesuesëve sindikalë, është koha e reflektimit. Çka duhet të bëjmë ne, ta vazhdojmë grevën, ta mbrojmë demokracinë, të kërkojmë mirëqenie për punëtorët e sektorit publik, t’ ashpërsojmë veprimet sindikale, apo ta mendojmë interesin e fëmijëve, qytetarëve, institucioneve dhe atdheut, pasi Qeveria ka dalë në serrnishtë dhe si bën përshtypje interesi publik. Siç thotë populli nuk duhet të tranohemi të gjithë zatën femijët kanë me së paku faj pse tranohen të mëdhenjtë. Është koha për reflektim, mësimi duhet të fillojë, Por qeveria s’po na len rrugë, që të dalim nga greva!”, ka shkruar Sefaj në Facebook.
