Miratohet propozim-vendimi për themelimin e Grupit Koordinues për anëtarësimin e Kosovës në organizatën ndërkombëtare Këshilli i Evropës.
Ministrja e Ministrisë së Punëve të Jashtme, Donika Gërvalla, është shprehur se ky është një sukses për Kosovës në arenë ndërkombëtare.
“Meqenëse aplikimi ynë ka ndodhur në maj të vitit të kaluar, më pak se 1 vit më vonë më 24 prill 2023 kemi kaluar etapën e parë e cila ka qenë e përqendruar me diplomaci me shtete anëtare të BE. Nëse për etapën e parë ka mjaftuar koordinimi i mirë mes Qeverisë, Presidencës dhe Parlamentit, në fazën e dytë do të na duhet një bashkëpunim i ngushtë institucional, prandaj kemi propozuar krijimin e një grupi koordinues”, ka deklaruar Gërvalla.