Një 29-vjeçar ka tentuar të vrasë me kosë babanë e tij në fshatin Klos.
Shërbimet e Komisariatit të Policisë Cërrik, pasi kanë marrë njoftim ditën e djeshme, se në fshatin Klos, Cërrik, shtetasi B. Sh. i cili kishte një konflikt me babanë e tij, menjëherë kanë organizuar punën dhe kanë parandaluar përshkallëzimin e konfliktit që mund të kishte pasoja të rënda.
“Falë ndërhyrjes në kohë, shërbimet e Policisë kanë kapur shtetasin 29-vjeçarin (me probleme të shëndetit mendor), i cili ka dhunuar fizikisht dhe ka goditur me mjet bujqësor (kosore) babanë e tij, shtetasin R. Sh., 56 vjeç, i cili ndodhet jashtë rrezikut për jetën”, njofton policia.
Në përfundim të veprimeve, nga specialistët për Hetimin e Krimeve në Komisariatin e Policisë Cërrik u arrestua në flagrancë, për veprën penale “Vrasja për shkak të marrëdhënieve familjare”, mbetur në tentativë, shtetasi B. Sh., 29-vjeç, banues në fshatin Klos, Cërrik.
Materialet hetimore i kaluan Prokurorisë, për veprime të mëtejshme procedurale, njofton A2.
