Kryesia e Kuvendit, ka vendosur që të mbahet dy seanca të enjten.
Shefja e Grupit Parlamentar të Vetëvendosjes, Mimoza Kusari-Lila,ka sqaruar së këtë ditë do të votohet edhe Komisioni Hetimor Parlamentar për rezervat shtetërore.
Sipas saj, sfidë mbetet moskalimi i marrëveshjeve ndërkombëtare.
“U morëm vendimi që të enjten të vazhdoj seanca me pikat e pa përfunduar. Pastaj duhet të filloj një seancë e re e kërkuar nga 40 deputetë për krijimin e Komisionit Hetimor Parlamentar për rezervat shtetërore, ku në atë seancë do të bëhen propozimet e anëtarëve, anëtarëve nga grupet parlamentare për këtë Komision”, ka deklaruar Kusari-Lila.
Shefja e Grupit Parlamentar të VV-së, Mimoza Kusari-Lila, ka theksuar se sfidë mbetet moskalimi i marrëveshjeve ndërkombëtare.
“Do të mbetet sfidë edhe çështje e marrëveshjeve ndërkombëtare. Numri i të cilave vetëm po rritet. Në seancë e 28 korrikut e cila do të vazhdojë tash me 21 shtator, janë pesë marrëveshje ndërkombëtare te cilat ju shtohen edhe shtate të tjera të cilat janë në pritje”, ka deklaruar ajo.
