Një taksist është arrestuar e dërguar në mbajtje pasi dyshohet se e ka sulmuar seksualisht një pasagjere në Prishtinë të hënën në mbrëmje.
Në njoftimin e Policisë në raportin 24-orësh theksohet se “viktima femër kosovare ka raportuar se derisa ka qenë në veturën Taxi, i dyshuari mashkull kosovar – ngasësi, e ka ngacmuar me fjalë të ndryshme, ka filluar ta prekë në pjesën e trupit (këmbë)”.
I dyshuari është arrestuar dhe pas intervistimit me vendim të prokurorit është dërguar në mbajtje për 48 orë deri në marrjen e një vendimi tjetër nga organet e drejtësisë.
Sipas njoftimit, rasti ka ndodhur në rrugën “Bill Clinton” në kryeqytet rreth orës 19:30.
