Kryetari i grupit parlamentar të AAK-së, Besnik Tahiri, ka thënë se shpreson që sot të ketë një minimum të reflektimit të qeverisë në raport me kërkesën për debat rreth përfshirjes së veteranëve në ligjin për paga.
Ai në fjalimin e tij pas rifillimit të seancës tha se ligji për pagën minimale trajton një temë, që sipas tij, sot s’është as temë, sepse në sektorin privat nuk ka pagë nën 250 euro.
“Ky ligj s’ka asnjë ndikim. I vetmi ndikim që ky ligj ka sot është që të bëhet llugë Kosova. Me t’i pru veteranët përpara kuvendit, me kriju kauza pa kurrfarë nevoje. Fjala e fundit e demokracisë është konsultimit paraprak, është ndërtimi i konsultimit”.
“Ju po thoni se si grup parlamentar keni më së shumti veteranë, por kush iu ka konsultuar juve me iu thanë se “çka po ua merr mendja bre burra se duam ta sjellim një ligj?”. Kush na ka konsultuar neve? A duhet t’i thoni një iniciative blanko “jo””, tha Tahiri.
