Tableti RedMagic Tablet 3 Pro është tableti më i fuqishëm Android i disponueshëm në treg.
RedMagic Tablet 3 Pro tani është i disponueshëm për blerje me çmime që fillojnë nga 480 euro, që është një shumë tepër e ulët duke pasur parasysh specifikimet e tij.
RedMagic konfirmoi së fundmi se tableti i tij i fuqishëm i lojërave Android do të jetë i disponueshëm ndërkombëtarisht duke filluar nga 1 korriku.
Tableti do të ketë gjithashtu një emër të ndryshëm për tregjet globale: RedMagic Astra Gaming Tablet, shkruajnë mediat e huaja.
Ndryshe nga shumë tableta të fuqishëm Android, Astra është një tablet kompakt me një ekran OLED me rezolucion 2400 x 1504 piksel dhe shkallë rifreskimi 165Hz.
Në fakt, ky është tableti i parë OLED për lojëra në industri, të paktën sipas RedMagic.
Arsyeja pse është tableti më i fuqishëm Android i disponueshëm në treg është sepse RedMagic përdor Snapdragon 8 Elite Leading Version të Qualcomm.
Jo shumë telefona përdorin versionin kryesor të Snapdragon 8 Elite, por ka një që të gjithë e njohin, Galaxy S25 i Samsungut.
Asnjë tablet përveç RedMagic Astra Gaming Tablet nuk e shfrytëzon këtë çip shumë të fuqishëm.
Një tjetër detaj i zbuluar nga RedMagic është se tableti i tij i ri vjen me një sensor gjurmësh gishtash, një veçori që nuk e ofrojnë shumë tableta.
