Policia e Kosovës njofton se një punëtor i Shërbimit Korrektues në Qendrën e Paraburgimit në Prizren, është sulmuar fizikisht nga një person, i cili po mbahet aty nga nga 17 nëntot.
Në raportin 24 orësh të Policisë, thuhet se rasti ka ndodhur rreth orës 11:15, ndërsa i dyshuari ishte në mbajtje.
“Rr. Ibrahim Lutfiu, Prizren 20.11.2023 – 11:15. Viktima mashkull kosovar, punëtor i Shërbimit Korrektues në qendrën e paraburgimit në Prizren, gjatë ushtrimit të detyrës zyrtare për motive ende të panjohura është sulmuar fizikisht nga i dyshuari i cili është ne këtë qendër në mbajtje nga data 17.11.2023”, thuhet në njoftim.
Bëhet e ditur se viktima ka marrë ndihmën mjekësore në spitalin rajonal si pasojë e lëndimeve të marra nga i dyshuari.
