Ministri i Shëndetësisë, Arben Vitia ka thënë se janë duke u bërë shërbime të reja me metoda të avancuara në stomatologjinë publike.
Përmes një postimi në Facebook, Vitia ka njoftuar se stomatologjia sot u furnizua me 24 karrige moderne stomatologjike, e që është kontigjenti i dytë pas pak kohësh.
“Një vit më parë, në stomatologji u ofrua shërbimi i sedacionit inhalator – i vetmi në rajon. Tri javë më parë, në stomatologji filloi trajtimi për zgjerimin rapid të nofullës së sipërme me ekspanderë fiks – Hirax, që shkurton kohën e trajtimit nga 2 vjet në vetëm 3 deri në 6 javë! Çdo ditë e më shumë, shëndetësia publike po transformohet me shërbime të reja, metoda të avancuara dhe pajisje bashkëkohore!”, ka shkruar ai në Facebook.
