Gjykata e Lartë ka vendosur të martën që hetimet për “21 janarin” të zhvillohen nga Struktura e Posaçme Kundër Korrupsionit Dhe Krimit Të Organizuar (SPAK),
Gjykata e Lartë e ka pranuar rekursin e Raimonda Nikës, bashkëshortes së Aleks Nikës që ishte njëri nga katër të vrarët në protestën e 21 janarit të vitit 2011. Dosja e “21 janarit” ishte hetuar nga Prokuroria e Tiranës.
Avokati i familjes Nika ka thënë se çështja duhet t’i takojë SPAK-ut pasi në ngjarje janë të përfshirë zyrtarë të lartë.
Më 16 shkurt 2023, familjarët e katër viktimave të 21 janarit kanë paraqitur kallëzim penal ndaj ish-kryeministrit Sali Berisha, ish-ministrit të Brendshëm, Lulzim Basha, ish-komandantit të Gardës, Ndue Prendi dhe gardistit Agim Llupo.
Aleks Nika, Ziver Veizi, Hekuran Deda dhe Faik Myrtaj u vranë në sheshin kryesor të Tiranës gjatë protestës së thirrur nga opozita, e udhëhequr nga Edi Rama, më 21 janar të vitit 2011. Prendi dhe Llupo ishin mbajtur në paraburgim si të dyshuarit që qëlluan ndaj protestuesve. Por ishin liruar pas pak kohe.
