Aktualisht në vendin tonë ka rezultuar një rast i ri COVID-19 dhe kjo është bërë e ditur në raportin e fundit të Ministrisë së Shëndetësisë.
Sipas njoftimit, në 24 orët e fundit nuk ka të vdekur si pasojë e COVID-19, ndërsa janë shëruar 4 persona.
Prej fillimit të vaksinimit në të gjitha qytetet e Kosovës janë dhënë 1.836.132 doza të vaksinës, ku me dozën e parë janë vaksinuar mbi 904 mijë qytetarë.
Deri më sot mbi 824 mijë qytetarë janë vaksinuar me dozën e dytë, ndërsa janë dhënë mbi 105 mijë doza të treta të vaksinës kundër COVID-19.
Me dozën e katërt janë vaksinuar vetëm 1,784 persona.
Për koronavirusin e ri, që shkakton sëmundjen COVID-19, është raportuar për herë të parë në dhjetor të vitit 2019 në Vuhan të Kinës./KosovaNews/
