Sot do të mbajë mbledhjen e radhës edhe Komisioni Ad-Hoc për Reformën Zgjedhore në Kosovë.
Në këtë mbledhje do të bëhet shqyrtimi i Planit të punës së Komisionit, kërkesa për buxhetin e Komisionit dhe shqyrtimi i termave të referencës për Grupin Këshillëdhënës.
Muaj më parë me 71 vota për, asnjë kundër dhe një abstenim Kuvendi i Kosovës ka themeluar Komisionin Ad-hoc për Reformën Zgjedhore në Kosovë.
Pjesë e këtij komisioni janë deputetë e partive politike që përfaqësohen në Kuvend, nga pozita e opozita, si dhe pakicat.
Kosova ka mbajtur një sërë procesesh zgjedhore pa përmbyllur reformën zgjedhore, e cila ishte iniciuar qysh në vitin 2011.
Mekanizmat ndërkombëtarë si Komisioni Evropian, në raportet vjetore për Kosovën kanë ngritur shqetësim për ngecjen në reformën zgjedhore.
Ndërkohë, një kërkesë të vazhdueshme për reformë zgjedhore në Kosovë kanë pasur edhe përfaqësuesit e shoqërisë civile.
E me ardhjen e Lëvizjes Vetëvendosje në pushtet, reforma ka nisur të shtrohet e diskutohet në institucionet përkatëse. Vetëvendosje e ka pasur edhe premtim elektoral se do të shtyjë përpara reformën, sidomos për faktin se do të rregullohet çështja e votimit të diasporës, që deri më tani është përcjell me shumë vështirësi./KosovaNews/
