Në Kuvendin e Kosovës sot do të mbajnë mbledhje tri komisione parlamentare.
Sipas njoftimeve që ka lëshuar Kuvendi, së pari mblidhet Komisioni i posaçëm për shqyrtimin e kandidatëve për emërim në Gjykatën Kushtetuese.
“Sot në ora 09:30 mbanë mbledhjen e radhës ky komision dhe në rend dite ka edhe Shqyrtimin e nominimeve të kandidatëve për gjyqtar në Gjykatën Kushtetuese, lidhur me përmbushjen e kushteve të parapara me Kushtetutë dhe Ligj”.
Ndërsa mbledhje mban edhe Komisioni për Mbikëqyrjen e Agjencisë së Kosovës për Inteligjencë, në rend dite është raportimi i Drejtorit të Agjencisë së Kosovës për Inteligjencë, Petrit Ajeti.
Kurse, në orën 11:00 mblidhet Komisioni për Administratë Publike, Pushtet Lokal, Media dhe Zhvillim Rajonal, për ta vazhduar mbledhjen e papërfunduar, nga takimi i fundit.
