Sot gjatë ditës do të mblidhen pesë komisione parlamentare të Kuvendit të Kosovës.
Komisioni Ad-Hoc për Reformën Zgjedhore në Kosovë, Komisioni për Integrime Evropiane, Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, Komisioni për të Drejtat dhe Interesat e Komuniteteve dhe Kthim dhe Komisioni për Ekonomi, Industri, Ndërmarrësi dhe Tregti.
Më poshtë mund të gjeni se cilat komisione do të mblidhen dhe çfarë do të shqyrtojnë:
Komisioni Ad-Hoc për Reformën Zgjedhore në Kosovë cakton organizimin e punëtorisë së radhës së Komisionit. (Kuvendi i Kosovës, salla N-302, ora 09:00)
Komisioni për Integrime Evropiane shqyrton raportin plotësues për Projektligjin për masat e përkohshme të produkteve themelore në raste të veçanta të destabilizimit në treg, nga aspekti i përputhshmërisë me legjislacionin e BE-së. (Kuvendi i Kosovës, salla C-203, ora 09:00)
Komisioni për Legjislacion shqyrton raportin plotësues me rekomandim për Projektligjin për masat e përkohshme të produkteve themelore në raste të veçanta të destabilizimit në treg. (Kuvendi i Kosovës, salla N-225, ora 09:00)
Komisioni për të Drejtat dhe Interesat e Komuniteteve dhe Kthim shqyrton raportin plotësues për Projektligjin për masat e përkohshme të produkteve themelore në raste të veçanta të destabilizimit në treg, nga Komisioni funksional për Ekonomi, Industri, Ndërmarrësi dhe Tregti; (Kuvendi i Kosovës, salla C-203, ora 09:15)
Komisioni për Ekonomi, Industri, Ndërmarrësi dhe Tregti shqyrton raportin me rekomandime për shqyrtimin e dytë të Projektligjit për masat e përkohshme të produkteve themelore në raste të veçanta të destabilizimit në treg. (Kuvendi i Kosovës, salla N-303, ora 09:30)
