Me rastin e shënimit të njëvjetorit të fillimit të agresionit rus në Ukrainë, sot në Kuvendin e Kosovës do të mbahet ceremonia e dorëzimit të letrave të falënderimit për gazetarët ukrainas të strehuar në Kosovë.
Kjo është bërë të ditur në një njoftim të lëshuar nga Kuvendi i Kosovës.
Sipas njoftimit, duke filluar nga ora 13:15, në këtë ceremoni do të mbajnë fjalim Presidentja e Republikës, Vjosa Osmani; Kryetari i Kuvendit, Glauk Konjufca; Kryeministri i Republikës, Albin Kurti dhe përfaqësuesi i gazetarëve ukrainas në Kosovë, Luidmyla Makei.
