Sopranoja e njohur nga Kosova me famë botërore Elbenita Kajtazi gjatë ditës së sotme është mirëpritur nga Presidentja Vjosa Osmani-Sadriu në zyrën e kësaj të fundit.
Me këtë rast presidentja Osmani e ka dekoruar znj. Kajtazi me titullin Ambasadore nderi e Republikës së Kosovës me motivacionin: “ Për arritje kulmore në muzikën klasike, prezantimin e vlerave muzikore Shqiptare në skenën ndërkombëtare, si dhe afirmimin e Republikës së Kosovës, mbrojtjen e promovimin e kulturës Shqiptare gjithandej nëpër botë “.
Kajtazi e ka falënderuar presidenten Osmani për mirëpritjen dhe ka thënë se ky titull është një nderë për të njëkohësisht dhe obligim shtesë, që ta përfaqësoj edhe më mirë atdheun e saj dhe veten në skenat botërore të Operës.
“Atdheu është qendër e rendesës, besoj, për të gjithë mërgimtarët. Forca gravituese e tij është e parezistueshme… Ajo na tërheq drejt Atdheut, edhe kur Ai nuk na ofron të gjitha ato që na duhen; sikur që jo secili prind mund t’i ofrojë fëmijës së vet ato që ka dëshirë” ka shkruar ndër të tjera znj. Kajtazi në facebook
