Ministria e Punëve të Jashtme dhe e Diasporës e Republikës së Kosovës ka komentuar vendimin e Qeverisë së Sllovakisë për të mbyllur Zyrën Ndërlidhëse në Prishtinë deri më 31 dhjetor 2024.
Këshilltar Politik i ministres, Leutrim Sahiti ka theksuar se ky vendim është pjesë e një riorganizimi të brendshëm të rrjetit diplomatik të Sllovakisë, duke e vlerësuar atë si një hap që ndjek ristrukturimet e ngjashme që po ndodhin në shtete të tjera.
“Bazuar në njoftimin e Ministrisë së Punëve të Jashtme të Sllovakisë që deri më 31 dhjetor 2024, ambasadat sllovake në Danimarkë dhe Norvegji, konsullatat e përgjithshme në Krakov dhe Shën Petersburg dhe zyra ndërlidhëse në Kosovë do të mbyllen, Ministria e Punëve të Jashtme dhe e Diasporës e Republikës së Kosovës, bazuar edhe në sqarimet e këtij njoftimi, vlerëson se vendimi është pjesë e një riorganizimi të brendshëm të rrjetit diplomatik të Sllovakisë.
Ristrukturimet e tilla të rrjeteve diplomatike në përputhje me objektivat strategjik dhe resurset e kufizuara janë evidente edhe në shtete të tjera. Kosova mbetet e përkushtuar për të ruajtur dhe forcuar marrëdhëniet që ka zhvilluar me Sllovakinë qoftë përmes zyrës ndërlidhëse qoftë përmes takimeve në forume të tjera në nivel rajonal, evropian dhe global”, ka thënë Sahiti në një përgjigje për Televizionin Dukagjini.
Mbyllja e Zyrës Ndërlidhëse është konfirmuar nga Ministria për Punë të Jashtme dhe Evropiane e Sllovakisë, e cila ka shpjeguar se ky vendim vjen si rezultat i zvogëlimit të buxhetit dhe nevojës për riorganizim. Ky hap vjen pas një periudhe të gjatë të veprimit të Zyrës në Kosovë, e cila kishte për qëllim të ndihmonte në forcimin e marrëdhënieve ndërmjet dy vendeve.
Kujtojmë se Sllovakia, një nga pesë vendet e Bashkimit Evropian që nuk e ka njohur ende pavarësinë e Kosovës,
