Policia e Kosovës konsiderohet se është apartiake pasi që ajo është në shërbim të të gjthë qytetarëve të Kosovës, pa dallim partie, madje edhe me ligj dhe rregulloret e saj të brendshme pjestarët e policisë i kanë të kufizuara aktivitetet në parti politike.
Në ligjin e Policisë së Kosovës, më saktësisht në nenin 49 në pikën 1.2 dhe 1.4, përshkruhen konflikti i interesit i pjestarëve të policisë, prandaj e kanë të kufizuar të merren me aktivitete politike.
“Pjesmarrja në fushata elektorale për zgjedhje në detyrë publike” dhe “pjesëmarrja aktive në cilëndo parti politike, ndjekja e udhëzimeve nga cilado parti politike në kryerjen e detyrave policore; paraqițja me uniformë policore në çfarëdo tubimi politik, përveç kur është në detyrë zyrtare policore”, thuhet në nenin 49 të Policisë së Kosovës.
Mirëpo, kjo gjë duket se nuk vlen për policin hetues Idriz Gashi, i cili vie nga fshati Rrezallë i Skenderajit dhe punon si rreshter në Njësinë e Veçantë të Hetimeve në Policinë e Kosovës (Task Forca për Hetimein e Krimeve Ekonomike dhe Korrupcionit).
Sipas burimeve të KosovaNews, rreshteri Idriz Gashi mbrëmë ka ka marrë pjesë në tubimin e PDK-së në fshatin Rrezallë të Skenderajt, më saktësisht në lagjen e familjes Kodra, prej nga vie edhe deputetja e PDK-së, Blerta Deliu. Të pranishëm në këtë tubim të PDK-së ishin Sami Lushtaku edhe disa deputetë e kandidatë për deputetë të PDK-së.
Në një video live, të publikuar nga mbështetësit e PDK-së, ai është kapur nga kamera, duke qëndruar ulur me simpatizantë të tjerë të PDK-së.
Ndërkohë, në njoftimin që ka bërë Sami Lushtaku në faqen e tij në facebook është përkujdesur që të mos e publikojë askund forografinë e hetuesit policor Idriz Gashi.
Edhe videot e publikuara nga mbështetësit e PDK-së tashmë janë fshirë nga faqja e Facebookut.
Hetuesi policor Idriz Gashi është përfolur si i rekrutuari PDK-së në Drejtorinë e Krimeve Ekonomike në Prishtinë. Sipas burimeve të KosovaNews, ai ka qenë i angazhuar në rastin e hetimeve për rezervat shtetërore dhe në rastin e kryeshefit të KEK-ut Nagip Krasniqi.
Kujtojmë se në rastin e rezervave shtetërore në gushtin e vitit 2023 me urdhër të Prokurorisë Speciale ishin arrestuar dy zyrtarë të Ministrisë së Tregtisë, Irfan Lipovica dhe Hafiz Gara, mirëpo Gjykata e Apelit i kishte liruar në mungesë provash. Ndërkaq edhe pas ankesës së Prokurorisë Speciale në Gjykatën Supreme kjo gjykatë kishte lënë në fuqi vendimin e apelit, duke kostatuar se Prokuroria Speciale nuk kishte pasur asnjë provë me rastin e arrestimit të dy zyrtarëve të MINT.
