Teologu Feim Dragusha nga Prishtina ka dalë me akuza të rënda ndaj imamit të Drobeshit Sabahudin Selimin nga Vitia, për komplot për t’ia grabitur gruan e tij.
Nëpërmjet një statusi në facebook Dragusha ka nxjerrë në pah një skandal të rëndë imoraliteti që lidhet me dy imamë të qytetit të Vitisë: Sabahudin Selimi, imam në Drobesh, dhe Bali Sadiku, anëtar i Këshillit të Bashkësisë Islame në Viti.
Teologu Feim Dragusha ka shkruar se për këtë ndodhi janë të informuar si dega Bashkësisë Islame në Kosovë në Viti dhe qendra tash e një kohë.
“Jam i vetëdijshëm që ky lajm do t’ju befasoj të gjithve, e veçanërisht xhematin, por duke parë që kërkesa ime për ta perjashtuar imamin e Drobeshit Sabahudin Selimin nga detyra e Imamit kishte hasur në vesh të shurdhër dhe as kryetari i KBI-së në Viti dhe as Myftiu Tërnava nuk morën asnjë vendim per largimin e tij, ateherë kam pritur që te kaloj muaji i Ramazanit dhe skandalin e këtyre imamëve ta bëj publike si vijon”.
Dragusha shkruan se Selimi i ka joshur bashkëshorten e tij të cilën e mori për grua të dytë madje duke e bindur atë që të denoncojë rrejshëm në polici për dhunë në familje për ta fshehur skandalin, siç pretendon.
“Imami i Drobeshit, Sabahudin Selimi, duke u thirr si nje rukjegji dhe duke keqpërdorur hapsirat e xhamisë, ka prekur në moralin tim dhe të familjes Dragusha.
Ky njeri i pandershëm dhe i pamoralshëm për të arritur qëllimin e tij shtazarak, ka marr guxim që të marr per GRUA të DYTË gruan time, e cila kishte shkuar në xhaminë e tij për te derguar nje shoqe te saj për Rukje dhe ky merr hapin dhe martohet fshehurazi me gruan time. Për ta mbrojtur vetën nga ky skandal, Imami Sabahudin Selimi e nxit gruan time qe t’me denoncoj ne polici kinse ‘dhunë në familje’ gjithnjë me qellim që t’me burgosin, e ai pastaj të bej qejf me gruan e huaj…
Pas disa muajve, u kuptua qe martesa ishte bërë fshehurazi, por per grupin e Rrebiovcave kjo kishte qenë HALLALL “
Më tej, Dragusha akuzon Bali Sadikun, një tjetër imam dhe anëtar i KBI-së në Viti, se ka mbështetur veprimet e Selimit dhe ka mbyllur këtë çështje, duke mos e marrë seriozisht dhe duke e larguar nga vëmendja. Në postim, theksohet gjithashtu se të dy janë akuzuar dhe janë denoncuar në polici për veprime të papranueshme dhe se prokuroria është duke hetuar rastin.
Për më tepër, bëhet thirrje që Bashkësia Islame e Kosovës të ndërhyjë dhe të marrë masa të menjëhershme për të larguar këta individë nga pozitat që mbajnë, duke theksuar se ky lloj skandali është i papranueshëm dhe dëmton imazhin e institucioneve fetare.
Ai shkroi se vendosi të dalë në publik pas injorimit të çështjes nga BIK. Ai akuzon imamin e Dobreshit Sabahudin Selimi që ia mori gruan e tij siç pretendoi për grua të dytë. Sipas pretendimeve të Dragushës, kreu i Këshillit të Bashkësisë Islame në Viti, Husamedin Hoxha, dhe anëtari i këtij këshilli Bali Sadiku, kanë konsideruar se s’kanë bazë pretendimet e tij.
Dragusha shkruan më tej se ka denoncuar rastin në polici dhe ka pritur që ta bëjë publike pas festës së Bajramit.
ky është statusi i plotë:
