Ramush Haradinaj, kryetar i Aleancës për Ardhmërinë e Kosovës, ka reaguar në lidhje zhvillimet e fundit në veri të Kosovës, duke apeluar te Bashkimi Evropian dhe Shtetet e Bashkuara të Amerikës që të ndërhyjnë me qëllim që të qetësojnë situatën në veri.
Haradinaj, ka thënë edhe se, shteti i Kosovës duhet të shfrytëzojë të gjithë mekanizmat që i ka për heqjen urgjente të barrikadave dhe çdo pengese tjetër në veri.
I pari i AAK-së pos këtyre ka deklaruar se paqja është e paalternativë dhe se, Kosova e Serbia të ulen dhe të arrijnë marrëveshjen e paqes për njohje të ndërsjellë.
Postimi i plotë:
Shteti i Kosovës të shfrytëzojë të gjithë mekanizmat që i ka per heqjen urgjente të barrikadave dhe çdo pengese tjetër në veri.
Qeveria e Serbisë të heqë dorë menjëherë nga politika luftënxitëse dhe t’i tërheqë nga veriu njësitë e veta paramilitare. Apeloj te BE dhe SHBA që të ndërhyjnë me qëllim të qetësimit të situatës në veri.
Paqja është e paalternativë! Kosova dhe Serbia të ulen dhe ta arrijnë marrëveshjen e paqes për njohje të ndërsjellë!
