Policia e Kosovës njofton se një person ka raportuar se persona të panjohur kanë vjedhur nga shtëpia e tij dy kasaforta me para e stoli ari.
Në raportin 24 orësh të Policisë, thuhet se rasti ka ndodhur në rrugën “Mazllum Lakuci” në Gjakovë, mëngjesin e së hënës dhe është iniciuar si “Vjedhje e rëndë”.
“Ankuesi mashkull kosovar ka informuar se persona të pa njohur kanë depërtuar brenda në shtëpinë e tij dhe kanë vjedhur dy kasaforta.
Sipas ankuesit, në kasaforta kishte para të gatshme në vlerë të konsiderueshme, disa çelësa personal, dhe disa stoli të arit”, thuhet në njoftim.
Bëhet e ditur se rasti është në procedurë hetimore.
