Dhomat e Specializuara të Gjykatës Speciale në Hagë kanë bastisur të mërkurën banesën e Adil Behramajt, ish-këshilltarit të ish-presidentit Hashim Thaçi.
Zyra e Prokurorit të Specializuar nuk ka pranuar të komentojë rastin, ndërsa Policia e Kosovës e ka bllokuar një hyrje të objektit ku banon Behramaj.
Avokati i Behramajt, Artan Qerkinaj, tha se është duke vazhduar bastisja e banesës dhe Adili ende është brenda ndërkaq nuk ka informata se çka do të ndodhë më tutje dhe se të gjitha do të bëhen të ditura pasi të përfundojë bastisja.
“Bastisja është në rrjedhë e sipër, pas përfundimit të saj do të deklarohemi në tërësi ne lidhje me atë se çfarë ka ndodhur. Më lejoni të shkoj te vendi ku është duke u zhvilluar bastisja pastaj do të ju japim informata më të hollësishme. E gjithë kjo do të bëhet e ditur në fund të këtij procesi”, tha ai.
Makinën e Behramajt ia morën hetuesit e Prokurorisë Speciale dhe ia futën në garazhdë, raporton Kosovanews.
Lexo po ashtu
