Pas sulmit në uzinën e Gramshit mbrëmë, dy shtetas të huaj janë kapur sot në uzinën e Poliçanit.
Mësohet se dy shtetasit çekë kanë hyrë brenda tunelit të kombinatit mekanik të Poliçanit, aty ku janë kapur nga RENEA.
Aty prodhohen fishekë te linjës së mbyllur 14. 7 dhe 12.5.
Detaje për rastin
Të tjera detaje dalin në dritë në lidhje me ndalimin e dy të huajve, që u kapën duke fotografuar një tunel që të çonte drejt uzinës së Poliçanit.
Mediat nga Tirana raportojnë se aktualisht uzina e Poliçanit, ku dikur prodhonte armë dhe municione, është blinduar nga policia, FNSH dhe policia Ushtarake.
Po ashtu bëhet e ditur se bëhet fjalë për dy femra, ndërsa ende nuk dihen detaje nga ngjarja në fjalë.
Aktualisht në Berat ka mbërritur Drejtori i Policisë së Beratit, Policia Ushtarake dhe dy furgona të FNSH.
Mendohet se dy personat e ndaluar janë femra, ndërsa mendohet se kanë thyer kyçin e një tuneli që bëheshin armatime.
