G.G, 76-vjeçar nga Komuna e Lipjanit ishte raportuar i zhdukur që nga dita e diel.
Në anën tjetër, Policia e Kosovës në bashkëpunim me FSK-në kanë filluar sot kërkimet për 76-vjeçarin te Liqeni i Badocit, lokacioni ku i moshuari është parë për herë të fundit.
Sipas policisë, 76-vjeçari për herë të fundit është parë duke zbritur nga një autobus, në afërsi të liqenit të Badovcit.
Pas kërkimeve nga ana e Policisë dhe FSK-së është gjetur një trup i pajetë, që nga dyshimet e para është i të zhdukurit.
“Sot rreth orës 11:30, nga ekipi i kërkimit i përbërë nga njësite policore dhe të FSK-së, në liqenin e Badovcit është gjetur një trup i pajetë. Ekipi mjekësor në vendngjarje ka konstatuar vdekjen e viktimës. Bazuar në të dhënat fillestare dyshohet se bëhet fjalë për personin mashkull G.G., i cili nga familjarët është raportuar i zhdukur më datën 17 prill 2023, në stacionin e Lipjanit”, është shprehur zëdhënësja e policisë për Rajonin e Prishtinës, Flora Ahmeti.
