Një person ka vdekur dhe pesë të tjerë kanë pësuar lëndime në një aksident të rëndë trafiku që ka ndodhur mëngjesin e sotëm në Arllat të Drenasit.
Rastin është konfirmuar nga zyrtarja për informim në Policinë Rajonale të Prishtinës, Flora Ahmeti.
“Rreth orës 07:00 kemi pranuar informatën se në rrugën Arllat – Malishevë, ka ndodhur një aksident trafiku me pasoja fatale. Në këtë aksident kanë qenë të përfshira, dy automjete, të cilat kanë qenë në lëvizje”, ka thënë Ahmeti.
Si pasojë e aksidentit, Ahmeti tha se lëndime trupore kanë pësuar gjashtë persona, ndërsa një prej tyre nuk kanë arritur t’i përballojnë plagët dhe i njëjti ka ndërruar jetë.
Vdekjen e tij e ka konstatuar ekipi mjekësor në vendngjarje, ndërkohë që personat e lënduar janë dërguar për trajtim mjekësor.
Me rastin po merret hetuesia nga njësiti i trafikut rrugor.
