Mediat italiane shkruajnë se po rriten numri i klubeve që e duan Moise Kean, në mesin e tyre edhe Barcelona, që janë gati të aktivizojnë klauzolën e lirimit prej 52 milionë eurosh të Moise Kean te Fiorentina, me këta të fundit që po përpiqen ta bindin sulmuesin që të qëndrojë me ta.
Ish-qendërsulmuesi i Juventus, Everton dhe Paris Saint-Germain ka lulëzuar në Firence këtë sezon pas transferimit të tij prej 13 milionë euro plus bonuse.
Ai gjeti rrjetën 23 herë në 39 ndeshje, së bashku me tre asistime për ta çuar Violën në gjysmëfinalen e Ligës së Konferencës.
Kjo formë e pabesueshme, e cila është përsëritur edhe në nivel ndërkombëtar për Italinë, ka ndihmuar në tërheqjen e vëmendjes nga klubet në Ligën Premier, si Arsenali dhe Tottenham, por jo vetëm.
Sipas Tuttosport, Barcelona është gjithashtu e etur për të përfituar nga klauzola e lirimit prej 52 milionë euro në kontratën e tij, e cila është e vlefshme vetëm gjatë muajit korrik.
Me këtë në mendje, presidenti i Fiorentinës, Rocco Commisso, u ul dje me Kean për të diskutuar situatën.
Fiorentina shpreson se kjo nevojë për stabilitet dhe besim në aftësitë e tij do ta shtyjë 25-vjeçarin të qëndrojë në “Artemio Franchi” edhe për një kohë.
