Ka dështuar të nis seanca gjyqësore në Gjykatën Themelore në Prishtinë ndaj të akuzuarit për përfshirje në rastin e vrasjes së ish-politikanit Oliver Ivanoviq. Ajo është shtyrë pasi mbrojtësit të të akuzuarit i mungonin shkresat e lëndës.
I akuzuar është Milan Mihajloviq.
Avokati Predrag Miloviq, i cili e zëvendëson avokatin Miodrag Bërklaç, ka thënë se nuk është pajisur me prova.
“Ne kërkojmë shtyrje të seancës”, ka thënë Milkoviq.
Këtë e konstatoi edhe gjyqtari Lufti Shala i cili vendosi për shtyrje të seancës.
Në aktakuzën e ngritur nga Prokuroria Speciale, thuhet se Mihajloviq ka kryer veprat penale “Pjesëmarrje ose organizimi i grupit kriminal të organizuar”, “Pengimi i të provuarit apo procedurës zyrtare”, ‘’Kanosja” dhe ‘’Falsifikimi i dokumenteve”. Në të thuhet se Mihajloviq si pjesë e grupit “veprimet i ka ndërmarrë pas ndodhjes së vrasjes duke penguar procedurën penale dhe pas hetimit i njëjti ka përdorë dokumente të falsifikuara si dhe ka kanosur personat zyrtar të cilët kanë zhvilluar procedurë penale ndaj tij”.
