Qeveria e Republikës së Kosovës, duke e dënuar bllokimin e rrugëve dhe të shtënat në veri të Kosovës, ka njoftuar se vendimi për reciprocitetin me targa dhe dokumente është shtyer për 30 ditë, transmeton KosovaNews.
“Kryeministri Kurti së bashku me presidenten Osmani dhe zëvendës kryeministrat Bislimi e Gërvalla kanë zhvilluar kontakte e takime me faktorët ndërkombëtarë amerikanë dhe evropianë. Me këtë rast, Qeveria e Kosovës jep zotimin që të shtyhet zbatimi i dy vendimeve të datës 29 qershor 2022, deri me datën 1 shtator 2022, nga momenti në ditën e hënë, 1 gusht 2022, kur do të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës. “, thuhet në njoftim.
