Aksioni i paraparë për sot nga ana e Drejtorisë së Inspeksionit e Komunës së Podujevës për rrënimin e objekteve pa leje afër Liqenit të Batllavës është shtyrë për një kohë të pacaktuar.
Në njoftimin e komunës për shtyerje të këtij aksioni thuhet se “aksioni i paraparë që të zhvillohet sot nga Drejtoria e Inspeksionit në zonën e Orllanit është shtyrë, për shkak se Policia e Kosovës ka kërkuar nga Drejtoria e Inspeksionit të shtyhet ky aksion, meqë të njëjtit janë të ngarkuar me detyra për menaxhimin e situatës në veri dhe nuk mund t’i asistojnë inspektoratit gjatë këtij aksioni”. Ndërkaq, për datën dhe kohën se kur do të zhvillohet ky aksion thuhet se do të njoftohemi me kohë shkruan portali raporto 24.