Ministri i Mbrojtjes, Armend Mehaj ka thënë se në një ceremoni të veçantë, dje dy pjesëtarët të FSK-së, tetar Genc Shala dhe ushtari i klasit të parë Qendrim Berisha u certifikuan, në kursin Komando të Forcave të Armatosura të Republikës së Turqisë.
Mehaj tha se komandot nga Kosova kanë përzgjedhur në 10 më të mirët ndër 183 oficerët nga 5 vende të ndryshme të botës.
“Në këtë kurs, i cili konsiderohet ndër trajnimet më të vështira fizike dhe psikike, kanë marrë pjesë 183 oficerë dhe nënoficerë, nga 5 shtete të ndryshme të botës, ku komandot tona, treguan rezultate shumë të larta duke u radhitur ndër 10 kursantët më të mirë. Mirënjohje për forcat turke për mundësinë e dhënë dhe shumë urime për nënoficerët tanë! Vazhdojmë drejtë sukseseve të reja!”, ka shkruar ministri Mehaj.
