Mbrëmë rreth orës 23:30, është dëgjuar një shpërthim në Mitrovicën e Veriut.
Dyshohet se është hedhur një granatë dore.
Zëvendësdrejtori i Drejtorisë Rajonale për veriun, Veton Elshani, ka thënë se shpërthimi ndodhi afër qendrës së kontrollit teknik të veturave.
“Dyshohet për hedhje të granatës së dorës, afër qendrës së kontrollit teknik të veturave. Nuk raportohet për të lënduar”, ka thënë Elshani.
Nuk dihen shkaqet për hedhjen e granatës, por rasti është duke u hetuar.
