Në anën serbe afër Jarinjës – pikëkalimit kufitar mes Kosovës dhe Serbisë, tashmë thuajse ka mbaruar protesta e thirrur nga grupe djathtiste serbe, si shenjë mbështetjeje ndaj barrikadave që kanë ngritur serbët lokalë në veri të Kosovës.
Pjesa dërmuesve e serbëve në Jarinjë, tek territori i Serbisë, tashmë janë shpërndarë, derisa dhjetëra të rinj kanë mbetur duke provuar që t’i bindin policët për t’iu lejuar kalimin e kufirit dhe hyrjen në territorin e Kosovës.
Numër i shtuar i forcave policore të njësisë speciale të Serbisë, kanë arritur për t’i ndihmuar kolegët e tyre.
Deri tani nuk është shënuar ndonjë incident, përveç përplasjeve në mes vete të pjesëmarrësve në këtë tubim.
Protestuesit janë shpërndarë pasi Policia serbe u ka thënë se do të lirojë një person që ka arrestuar në protestë.
Organizatorët e protestës kanë thënë se serbët në veri të Kosovës janë “në presion të madh” dhe që e kanë pasur të ndaluar që t’i bashkohen protestës së 18 dhjetorit.
Ndërkaq gjatë kësaj kohe automjete të shumta ushtarake të KFOR-it kanë “blinduar” pikën kufitare në Jarinje.
Ky veprim i KFOR-it erdhi pas disa paralajmërimeve nga grupet ultra-nacionaliste serbe për një sulm ndaj kufirit në Jarinje dhe djegie të pikës kufitare.
Po ashtu në anën kosovare të kufirit në Jarinjë, janë parë edhe pjesëtarë amerikanë të misionit të NATO-s, KFOR.
