“Tërmet” në futbollin brazilian, pak pas mbylljes së kampionatit. Ndërsa Palmeiras feston titullin dhe Santos vajton rënien nga kategoria, Ednaldo Rodrigues është hequr nga posti i presidentit të Federatës së Futbollit (CBF).
Presidenti i përkohshëm midis 2021 dhe 2022, Rodrigues mori rolin si president i përhershëm në mars 2022, për një mandat katërvjeçar.
Siç raportohet nga mediet braziliane, Gjykata e Drejtësisë e Rio de Zhaneiros mori këtë vendim, referuar një parregullsie në zgjedhjet e vitit 2022.
Rodrigues, “admiruesi më i madh i Carlo Ancelottit”, mund të apelojë ende, por brenda 30 ditëve zgjedhje të reja.
Por si u vendos Rodrigues në krye të Federatës Braziliane të Futbollit?
Në gusht 2021, nënkryetarët e CBF emëruan Ednaldo Rodrigues si president të përkohshëm deri në fund të mandatit të të dorëhequrit Rogerio Caboclo (i akuzuar për ngacmim seksual), i cili do të skadonte në prill 2023.
Në mars 2022, Rodrigues firmosi një marrëveshje që vendosi rregulla të reja zgjedhore, e cila lejonte zgjedhje me një kandidat të vetëm.
Megjithatë, nënkryetarët e CBF-së e kundërshtuan këtë marrëveshje, sipas tyre, Rodrigues nuk mund ta nënshkruante atë sepse ishte president i përkohshëm dhe do të kishte përfituar prej saj për të fituar zgjedhjet.
Prandaj, Gjykata e Drejtësisë vendosi në favor të tyre dhe kjo mund të ndikojë në zgjedhjen e presidentit të ri të federatës braziliane.
