Data 28 korrik është zgjedhur si Dita Botërore e Hepatitit, në nder të ditëlindjes së profesor Baruch Blumberg Samuel, zbuluesit të virusit të hepatitit B dhe vaksinës së parë të hepatitit B.
Kjo ditë shënohet çdo vit më 28 korrik për të rritur ndërgjegjësimin dhe për të promovuar veprimet globale për hepatitin viral.
Hepatiti është një inflamacion i mëlçisë. Ekzistojnë pesë lloje kryesore të virusit të hepatitit – A, B, C, D dhe E. Hepatiti B dhe C çojnë në sëmundje kronike në qindra miliona njerëz në mbarë botën, dhe së bashku janë shkaku më i zakonshëm i cirrozës së mëlçisë, kancerit të mëlçisë dhe vdekjet e lidhura me hepatitin viral.
Sipas të dhënave më të reja sot 350 milionë njerëz në mbarë botën jetojnë me hepatit kronik B ose C. Ndërsa ka ndërhyrje të bazuara në fakte, efektive dhe të sigurta për të diagnostikuar, trajtuar dhe parandaluar hepatitin kronik B dhe C, shumica njerëzit mbeten të pa diagnostikuar dhe të pa trajtuar.
Hepatiti B dhe C janë shkaktarë të 1.3 milionë vdekjeve çdo vit, afërsisht sa vdekjet nga tuberkulozi dhe më shumë se HIV/AIDS.
Rreth 90% e njerëzve me hepatit B dhe 80% me hepatit C nuk janë të diagnostikuar. Vetëm 13% e njerëzve me hepatit C kronik janë trajtuar.
Në Kosovë mungojnë të dhënat e detajuara gjithëpërfshirëse, por:
Vlerësohet se 2–3% e popullsisë është bartëse e hepatitit B.
Pesë veprime për të mbrojtur veten nga hepatiti:
-Përdorni gjithmonë injeksione sterile
-Përdorni brisqet dhe tehet tuaja
-Praktikoni seksin e sigurt
-Përdorni pajisje të sigurta për tatuazhe dhe shpim
-Vaksinoni foshnjat kundër hepatitit B
