Byroja Kosovare e Sigurimit (BKS) në një ceremoni solemne ka shënuar sot 11-vjetorin e themelimit, me ç’rast kanë marrë pjesë zyrtarë të lartë të Këshillit të Byrove nga Brukseli, mandej drejtorët e byrove të sigurimit nga vendet rajonale, si dhe përfaqësues të institucioneve e bizneseve nga vendi.
Drejtori i BSK-së, Sami Mazreku, ka paraqitur para mysafirëve të arriturat gjatë dy vjetëve të fundit, kohën sa udhëheq me këtë institucion.
Ai tha se në këtë fazë kanë bërë korrigjimin e të metave të viteve të kaluar, duke eleminuar çdo ndikim të mundshëm politik dhe ndryshuar imazhin e Byros.
Në vitin 2020 sipas tij, ndodhi mrekullia ngase kompanitë e sigurimeve e mbyllën vitin me bilance pozitive.
Sipas tij, janë përfunduar 12 mijë dosje dhe janë grumbulluar 11 milionë euro në emër të dëmeve nga automjete.
Ai shtoi se numri i automjeteve të paregjistruara ka arritur në 4.5 dhe se tashmë janë plotësuar kushtet për anëtarësim në Këshillin e Byrove.
“Korrigjuam të metat që kam gjetur në këtë institucion të krijuar 11 vjet më parë. Eliminuam çdo ndikim të mundshëm politik. Në vitin 2020 tek ne ndodhi mrekullia kompanitë e mbyllën vitin me bilanc pozitiv. Ndryshuam imazhin e BKS. Arritëm të mbyllim 12 mijë dosje. Në emër të dëmeve nga automjete inkasuam 11 milionë euro. Po ashtu Nënshkruam marrëveshjen me Malin e Zi për njohjen polisave. Arritëm në 4.5% te automjeteve te paregjistruara. Tashmë Byroja e Sigurimit ka plotësuar kushtet të jetë pjesë e Këshillit të Byrove. Po shpresojmë që me ndihëm tuaj edhe qytetarët do të lëvizin lirshëm”, thënë mes tjerash Mazreku.
Kurse në emër të institucioneve te vendit foli zëvendëskryeministrja, Emilia Rexhepi, e cila dha fjalë të mira për punët e bëra këtë kohë.
Ajo tha se edhe vendosja e stikerëve ka bërë që të ketë më pak vetura të paregjistruara në trafik dhe si rrjedhojë edhe zvogëlohet numri i aksidenteve.
“Ne si Qeveri e përcjellim reforma të këtij institucioni dhe mbështesim çdo mundësi bashkëpunimi që të sigurojmë liri të lëvizjes”, tha ajo.
