Ad image

Rreth dy mijë persona vdiqën nga sëmundjet ngjitëse në Kosovë

Kosova News
Kosova News 14:11 -06/06/2022

Sëmundjet ngjitëse brenda viti 2021 u morën jetën mbi 1 mijë personave në Kosovë. Instituti Kombëtar i Shëndetit Publik në Kosovë (IKSHPK) për portalin rtv21.tv tregoi se në vitin 2021 nga këto sëmundje vdiqën gjithsej 1,690 persona, ku prej tyre 1,655 janë raportuar raste të vdekjes si pasojë e infektimit me COVID-19.

Pandemia Covid-19 në vitin 2021 bëri që të ketë një rritje prej 43.2 % të infektimeve me sëmundjet ngjitëse, shkruan rtv21.tv

Numri i rasteve te raportuara te vdekjes nga sëmundjet infektive gjate vitit 2021 ishte 1,690 ku prej tyre 1,655 janë raportuar raste me COVID-19.

Sipas, IKSHPK-së në vitin 2020 u raportuan gjithsej 157 ,849 raste me sëmundje ngjitëse, kurse gjatë vitit 2021 u raportuan 226,054 raste.

“Krahasuar me vitin paraprak ka një rritje prej  43.2 %. Kjo gjithsesi i atribuohet pandemisë COVID-19 ku gjate vitit 2021 janë raportuar 110, 029 raste”. thuhet në përgjigjen e IKSHPK-së për portalin rtv21.tv.

Sëmundjet ngjitëse, të cilat raportohen në numër më të lartë në Kosovë janë infeksionet e traktit të poshtëm respirator, influenca sezonale dhe diarete akute.

Rrezikshmëria nga COVID-19 sipas IKSHPK-së vazhdon të mbetet sfidë.

Sëmundjet ngjitëse përhapen nga ndotja e ujit dhe kafshët e infektuara kryesisht brejtësit, të cilat kontaminojnë ushqimin dhe ujin e pijshëm.

Gjatë këtij viti, rastet e lisë së majmunëve po hetohen në disa vende evropiane, si dhe në SHBA, Kanada dhe Australi, sipas autoriteteve shëndetësore dhe raporteve të mediave lokale. Drejtori i Klinikës Infektive në Prishtinë, Arben Vishaj për portalin rtv21.tv javë më parë tha se kjo sëmundje te ne për momentin nuk paraqet ndonjë problem.

“Sëmundje të tilla çdo vit paraqiten nëpër botë”, tha Vishaj./21Media

TAGGED: , ,
Shpërndaje