Ka shkuar në 184 numri i të vdekurve nga shembja e çatisë së klubit të natës në Republikën Domenikane. Gjasat për të gjetur të mbijetuar në rrënoja, po veniten.
Autoritetet në Republikën Domenikane kanë bërë të ditur se numri i të vdekurve nga shembja e kulmit të diskotekës “Jet Set” në Santo Domingo ka mbërritur në 184. Gjasat për të gjetur ndonjë të mbijetuar eventual nën rrënoja po veniten derisa ekipet emergjente po kalojnë nga faza e shpëtimit të të mbijetuarve eventual në fazën e nxjerrjes së trupave të pajetë..
Megjithatë, Juan Manuel Mendez, Drejtori i Qendrës për Operacione Emergjente ka thënë se nuk do ta përjashtojnë skenarin se mund të ketë ende persona të gjallë të ngujuar nën rrënoja.
Dyshohet se në diskotekë, në momentin e shembjes së kulmit, kanë qenë mes 500 deri 1000 persona.
Në mesin e viktimave është edhe Rubby Perez, këngëtari që po mbante koncert në këtë diskotekë, saksofoniste i bendit të tij, një ish-lojtar i njohur i baseball-it si dhe guvernatorja e një provinceje.
