Policia e Kosovës ka bërë të ditur se njësitetet e saja të martën, në kuadër të hetimit për vjedhje të 37 koshereve me bletë, ka realizuar një kontroll në shtëpinë dhe objektet përcjellëse të serbit D.V. (1955) nga Parteshi.
Gjatë kontrollit janë gjetur një pushkë gjysmëautomatike me bajonetë, një pushkë gjysmëautomatike pa bajonetë, një pushkë ajrore, një pistoletë të kalibrit 9mm.
Po ashtu policia ka njoftuar se janë sekuestruar edhe 236 fishekë të kalibrit 7.62×39, 220 fishekë të kalibrit 7.09×15, katër gëzhoja të kalibrit 7.09×15 dhe gjashtë gëzhoja të kalibrit 7.62×39.
