Një ish-nxënëse ka therur me thikë një nxënës 15-vjeçar dhe një mësues që u përpoq ta pengonte atë. Rasti ka ndodhur të enjten në shkollën private “Rudjer Boshkoviq” në Beograd.
B92 ka raportuar se viktimat janë jashtë rrezikut për jetë.
Sipas raportimeve sulmi është bërë me një thikë kuzhine. Nxënësit janë evakuuar shpejt nga shkolla dhe e dyshuara është arrestuar.
Ky sulm ka ndodhur pak kohë pasi një 14-vjeçar vrau tetë nxënës dhe rojën në shkollën fillore “Vladislav Ribnikar” në Beograd.
Kurse sot ka ndodhur edhe një tjetër vrasje masive. Një person ka vrarë së paku tetë persona dhe ka plagosur 13 të tjerë në rajonin e Beogradit.