Qytetarët serbë në komunën e Zveçanit kanë thënë se faturat e energjisë elektrike u kanë ardhur më të larta se muajin e kaluar, por të njëjtit kanë deklaruar se duhet të paguhet energjia e shpenzuar. E kryesuesi i kuvendit komunal të Mitrovicës së veriut, Nexhat Ugljanin, deklaroi për Tëvë1 se në lagjen e tij, 50% të qytetareve serb nuk u janë regjistruar njehsorët.
Kjo është fatura e muajit mars të cilën qytetarët serb e pranuan.
Në katër komunat veriore, tashmë kompania serbe Elektrosever, ka filluar të lëshoj faturat e rregullta pas atyre “paushall”.
Por, banorët e komuës së Zveçanit thonë se po brengosen nga tarifat për shpenzim të energjisë elektrike, thonë se janë të larta.
Andaj ata po kërkojnë që orëmatësit të ndërrohen.
“Faturat për rrymë janë shumë të larta nga çfarë dëgjoj prej qytetarëve, duhet të ndërrohen orëmatësit, që gjithçka të rregullohet, paushalli të jetë i vogël në fillim, e pastaj kur të rregullohet, gjitha përafrimet e orëmatësve të bëhet sipas shpenzimeve të rrymës. Të jetë ky çmim, dhe nuk ka problem.”, tha një qytetare.
“Jo, jo. Jo, më pak harxhojmë. Kam shpenzuar 5 metra drunj dimrit, dhe më ka ardhur fatura e lartë. Janë përgjegjësit për këtë që duhet të vendosin, jo ne. Neve qytetarëve të thjeshtë, askush nuk na pyet. As juve, as neve, mendoj pavarësisht kombësisë. Tjerët vendosin për këtë.”, u shpreh një qytetare.
Megjthatë, pagesën e energjisë së shpenzuar e konsiderojnë normale.
“Kanë vendosur pak më shumë në fatura, por rryma duhet të paguhet, është normale. Është normale.”, deklaroi një qytetare.
E kryesuesi i kuvendit komunal të Mitrovicës së veriut, Nexhat Ugljanin, deklaroi për Tëvë1 se në lagjen e tij, 50% të qytetareve serb nuk u janë regjistruar njëhsorët.
“ Serbët po ankohen për që janë ardhë faturat që kanë ardhë nga elelktrosever se janë anormale, sepse këtu në lagje tek ne 50% të banorëve ende nuk janë regjistruar edhe nuk kanë qenë të vizituar nga kompania elektrosever për ti marrë regjistrimet”, theksoi nënkryetari i Kucvendit Komunal në Mitrovicën e veriut, Nexhat Ugljanin.
Analisti serb nga veriu i Kosovës, Branislav Krstiq, thotë se vendimi për pagesën e energjisë elektrike në katër komunat veriore është marrë me nguti.
“unë dua me punëtorin së bashku, me regjistruar deri ku jam, edhe me kontrollua sa jam duke harxhuar, që do të thotë, për çdo vendim në veri të vendit ne jemi tepër të shpejt”, tha analisti Branislav Krstiq.
Televizioni ka dërguar pyetje në Zyrën e Rregullatorit të Energjisë, nëse të njëjtit janë duke e monitoruar kompaninë elektrosever në shpërndarjen e faturave për qytetarët serbë, por të njëjtit nuk kanë kthyer përgjigje gjatë ditës.
Më 21 qershor të këtij viti, Kosova dhe Serbia nënshkruan Udhërrëfyesin për zbatimin e Marrëveshjes së Energjisë, që ishte arritur më 2013 në kuadër të dialogut të ndërmjetësuar nga BE-ja.
Kurse, më 24 qershor, kompania serbe Elektrosever, ishte licencuar nga Zyra e Rregullatorit për Energji e Kosovës (ZRRE), për furnizimin me rrymë të qytetarëve të katër komunave të banuara me shumicë serbe në veri të Kosovës, si dhe për faturimin e tyre./Tëve1
