Kancelari gjerman Olaf Scholz tha sot se Perëndimi duhet ta përshtatë politikën e saj pasi që lufta në Ukrainë mund të zgjasë shumë, dhe se do ta mbështesë Ukrainën për aq kohë sa të jetë e nevojshme.
“Ne duhet të përgatitemi që akti rus mund të zgjasë për një kohë të gjatë”, tha Scholz, duke folur në një konferencë të përbashkët shtypi me Sekretarin e Përgjithshëm të NATO-s, Jens Stoltenberg, transmeton Telegrafi.
Ai shtoi se për këtë po përgatiten dhe për këtë po e orientojnë politikën e tyre.
Ukrainasit publikojnë imazhet satelitore, pretendohet se shfaqin veturën e mbushur me eksploziv nga rusët që kishte hedhur në erë digën
“Gjermania do të vazhdojë të jetë një mbështetëse e vendosur e Ukrainës, për aq kohë sa të jetë e nevojshme. Megjithatë, është e qartë se NATO nuk do të bëhet palë në konflikt”, vuri në dukje Scholz.
Kujtojmë se nga fillimi i luftës në Ukrainë, NATO vazhdimisht ka theksuar se nuk do të jetë palë e kësaj lufte, ndërsa mbështetja ushtarake nga Aleanca më e madhe ushtarake nuk ka munguar për asnjë moment për Ukrainën.
