Mohamed Salah ka ‘gjithnjë e më shumë gjasa të largohet nga Liverpooli’ vitin e ardhshëm mes një transferimi të propozuar në Arabinë Saudite.
Drejtuesit e Superligës së Arabisë Saudite po synojnë më shumë lojtarë të klasit botëror, pasi kanë rekrutuar lojtarë si Cristiano Ronaldo, Karim Benzema dhe Neymar.
Salah dhe ylli tjetër i Ligës Premier, Kevin De Bruyne janë ndër lojtarët që kërkohen nga Arabia Saudite vitin e ardhshëm.
Liverpooli tashmë e ka zënë zëvendësimin e tij teksa po pret një transferim prej 55 milionë funtesh apo rreth 65 milionë eurosh për Leroy Sane të Bayern Munich.
Sipas Football Insider, zyrtarët e Arabisë Saudite po punojnë në prapaskenë për të nënshkruar me yjet Salah dhe De Bruyne.
Një burim ka pohuar se kalimi i Salah nga Liverpooli në Arabinë Saudite ‘pritet të përfundojë’ vitin e ardhshëm.
31-vjeçari admirohet nga krerët e Arabisë Saudite pasi Al Ittihad u përpoq ta josh atë për një transferim në Lindjen e Mesme gjatë afatit kalimtar të verës.
Megjithëse ata dështuan në ndjekjen e tyre për të nënshkruar me sulmuesin egjiptian pasi Liverpool refuzoi përparimet e Al Ittihad.
Një ofertë e raportuar prej 175 milionë eurosh u refuzua nga Reds pasi ata mbajtën lojtarin e tyre, i cili ka kontratë deri në qershor 2025 dhe fiton 350 mijë funte në javë në Anfield.
Vendimi i Jurgen Klopp për të refuzuar shitjen e tij është justifikuar pasi superylli ka shënuar 10 gola në 13 ndeshje në të gjitha garat këtë sezon.
Salah ka qenë në Anfield që nga viti 2017 teksa u kthye në ligën më të mirë të Anglisë pas makthit të tij te Chelsea.
Ai ka shënuar 196 gola të pabesueshëm në 318 paraqitje gjatë periudhës së tij në klubin anglez.
