Presidenti i Ukrainës, Volodymyr Zelensky kishte edhe disa fjalë për të thënë për liderin rus në fjalimin e tij të natës.
Prej disa javësh, ka një propozim të SHBA-së për një armëpushim pa kushte dhe pothuajse çdo ditë, në përgjigje të këtij propozimi, ka dronë rusë, bomba, granatime artilerie dhe sulme balistike.
“Gjeografia dhe brutaliteti i sulmeve ruse, jo vetëm herë pas here, por fjalë për fjalë çdo ditë dhe natë, tregojnë se Putinit nuk kujdeset për diplomacinë”, tha ai, shkruajnë mediat e huaja.
Andaj, presidenti i Ukrainës u bëri thirrje gjithashtu Shteteve të Bashkuara dhe partnerëve të saj që të rrisin presionin ndaj Rusisë për të “thyer kapacitetin e saj për të bërë luftë”.
“Rusia meriton presion të shtuar – të gjitha masat e ashpra që mund të thyejnë kapacitetin e saj për të bërë luftë dhe për të mbështetur sistemin që nuk dëshiron asgjë përveç luftës”, shtoi ai.
“Sanksionet kundër Rusisë janë thelbësore. Më shumë mbrojtje ajrore për Ukrainën është thelbësore. Më shumë bashkëpunim dhe unitet midis të gjithë partnerëve është thelbësor”.
