Rusia nisi një sulm ajror në shkallë të gjerë në rajonet e Lviv në Ukrainën perëndimore dhe Volyn në veriperëndim të vendit, duke vrarë të paktën tre persona dhe duke plagosur shumë të tjerë, thanë zyrtarët.
Tre persona kanë vdekur dhe shumë janë shtruar në spital në Lutsk pasi goditjeve, tha Yurii Pohulyaiko, guvernator i rajonit Volyn, qendra administrative e të cilit është Lutsk, në një postim në Telegram.
Rajoni Volyn, në veri të Lviv, kufizohet me Poloninë, një anëtare e NATO-s. Sipas informacioneve të deritanishme, nuk ka viktima nga sulmi ajror rus në rajonin e Lviv, por mbi 100 shtëpi u dëmtuan dhe një kënd lojërash u shkatërrua.
“Shumë raketa u rrëzuan, por pati edhe goditje në Lviv,” tha kryetari i bashkisë së qytetit Andriy Sandovy përmes Telegram, duke shtuar se ishin dhënë urdhra për të evakuuar të paktën një ndërtesë apartamentesh ku shpërtheu zjarri. Ai ka postuar një video në të cilën shihet një krater përballë një ndërtese të lartë, ku thuajse të gjitha xhamat janë thyer.
Forcat Ajrore të Ukrainës njoftuan se forcat e saj shkatërruan 16 nga të paktën 28 raketa të lëshuara nga Rusia. Nuk dihej menjëherë se sa raketa u hodhën në Lviv dhe Volyn.
? Fire on the roof of a house in Lviv. The consequences of a #Russia missile attack. #Ukraine pic.twitter.com/kpnK1cdZtO
— Slava Ukraini ?? Making Spaces Great Again ? (@Heroiam_Slava) August 15, 2023
Më herët, guvernatori i rajonit të Lviv Maksim Kozytskyi tha se “shumë raketa ruse” ishin drejtuar drejt zonës.
Deri në korrik, rajoni i Lvivit, i cili është larg vijës së frontit dhe kufizohet me Poloninë në perëndim, rrallë herë ishte objektiv i sulmeve ajrore ruse. Megjithatë, në korrik, shtatë persona u vranë kur një raketë goditi një ndërtesë apartamentesh.
Lviv, NOW. Russian missiles just hit residential block. pic.twitter.com/NGgypXqXTw
— Dimko Zhluktenko ?? (@dim0kq) August 15, 2023
Mediat ukrainase raportuan se sipas informacioneve fillestare, sulmi i sotëm është sulmi më i madh ajror në rajonin e Lvivit që kur Rusia pushtoi Ukrainën në shkurt të vitit 2022.
Reuters nuk ishte në gjendje të konfirmonte menjëherë këtë informacion në mënyrë të pavarur. Gjatë një operacioni u plagosur të paktën dy persona, në një sulm ajror rus në qytetin Lutsk, në rajonin e Volyn, siç raportohet nga autoritetet lokale në Telegram.
4:00 am. Russian cruise and ballistic missiles attack residential buildings and industrial enterprises in Lviv, Lutsk, and Dnipro. Deliberate large-scale attacks on civilians. Solely for the sake of killing and psychological pressure. This is an undeniable manifestation of the… pic.twitter.com/B9EH7ZmmNZ
— Михайло Подоляк (@Podolyak_M) August 15, 2023
Sirenat e mbrojtjes ajrore ranë në të gjithë Ukrainën për rreth dy orë, rreth orës 2 të mëngjesit ( me orën lokale).
Të paktën një person u plagos si rezultat i një sulmi rus në rajonin Dnipropetrovsk, në pjesën jugperëndimore të vendit, ku u godit një biznes dhe shpërtheu një zjarr, tha në një postim për Telegram guvernatori i rajonit Serhii Lysak.
