Në intervistën e tij për “Gazzetta dello Sport”, drejtuesi i Bayernit të Mynihut, Karl-Heinze Rummenigge, foli edhe për Interin dhe mundësinë që zikaltrit të krahasohen me Realin e Madridit dhe Manchester City-n mes favoritëve për Champions League:
“Unë mendoj se po, sepse vitin e kaluar ata arritën në finale dhe unë isha atje, pashë se ata mund ta fitonin. Interi arriti të ndërtojë një ekip të mirë, me një trajner që nuk kishte besueshmëri të madhe në fillim. Ka një marrëdhënie që funksionon shumë mirë me ekipin”, shpjegon Rummenigge.
“Çfarë më pëlqen tek Interi? Mënyra si e prezanton veten. Hyn në fushë i bindur për të fituar dhe fiton. Duket se është ndërtuar për ta fituar “Scudetton”, është një ekip i formuar mirë, me inteligjencë të madhe në anën financiare nga miku im Marotta dhe gjithçka funksionon. Inzaghi ishte ndoshta u nënvlerësua deri në sezonin e kaluar dhe më pas tregoi cilësitë e tij. Atletico është e vështirë për t’u përballur, ata shkatërrojnë dëshirën dhe kënaqësinë tuaj për të luajtur futboll, por Interi fitoi me meritë dhe jam i bindur se do të kualifikohet.”
