Numri i përfituesve nga skemat e pensioneve në Kosovë ka shënuar rritje gjatë muajit qershor 2025 krahasuar me të njëjtën periudhë të vitit të kaluar, sipas të dhënave zyrtare të publikuara nga Agjencia e Statistikave të Kosovës (ASK).
Rritja më e madhe është vërejtur në skemën për Pensionet Paraplegjike dhe Tetraplegjike, ku numri i përfituesve është rritur me 12,1%. Pas saj, rritje e ndjeshme është shënuar edhe në skemën për përkrahje financiare për familjet që kanë fëmijë me aftësi të kufizuara, me një rritje prej 11,4%.
Gjithashtu, është shënuar rritje edhe në këto skema pensionale:
Pensionet bazike të moshës: +5,5%
Pensionet e Forcës së Sigurisë së Kosovës (FSK): +5,4%
Kompensimi për punëtorët e arsimit 1990/91 – 1998/99: +5,0%
Pensionet për personat me aftësi të kufizuara: +3,8%
Pensionet e Trupave Mbrojtëse të Kosovës (TMK): +2,0%
Këto të dhëna pasqyrojnë një trend në rritje të mbështetjes shtetërore për kategoritë e ndryshme të përfituesve, duke theksuar nevojën për vazhdimin dhe përmirësimin e politikave sociale në vend.
