Një burrë dyshohet se është sulmuar fizikisht nga tre persona në Fushë Kosovë.
Sipas njoftimit të policisë, janë arrestuar tre të dyshuarit, dy nga ta të mitur.
“Është raportuar se viktima mashkull kosovar, pas një mosmarrëveshje ishte sulmuar fizikisht nga tre persona të cilët pas sulmit janë larguar nga vendi i ngjarjes. Viktima kishte pësuar lëndime trupore dhe është dërguar në QKUK për tretman mjekësor. Lidhur me rastin është informuar prokurori, janë identifikuar dhe arrestuar tre të dyshuar meshkuj kosovarë dy nga ta të mitur dhe pas intervistimit me vendim të prokurorit dy të dyshuarit e mitur janë liruar në procedurë të rregullt, ndërsa njëri nga të dyshuarit është dërguar në mbajtje”, thuhet në raportin e policisë.
