Ish-sulmuesi i Manchester United, Wayne Rooney ka bërë një deklaratë në lidhje me përballjen në Ligën e Kampionëve mes Real Madrid dhe Manchester City.
Ish-ylli anglez thotë se City jo vetëm do ta mposhtë Madridin, por do ta shkatërrojë.
“Manchester City nuk do ta mundë Real Madridin, ata do ta shkatërrojnë atë”, citohet të ketë thënë Rooney për ‘The Times’.
Ai foli gjithashtu se si Real Madridi nuk mund të fshihet kurrë për shkak të përvojës dhe historisë së tyre, por ai ende beson se City do t’i kalojë ata.
“Kurrë nuk mund të shlyeni një kolektiv me përvojën dhe historinë e Madridit – por unë nuk do të vendosja para për ta. Besoj se ky është viti i Cityt”, shtoi ai.
Duke folur për sulmuesin në formë të ‘Citizens’, Erling Haaland, Rooney beson se ‘Los Blancos’ nuk kanë askënd në gjendje ta ndalojë sulmuesin norvegjez.
“Si e ndal Madridi Haaland? Epo, te Antonio Rüdiger ata kanë një konkurrent të madh që, si mbrojtës, i pëlqen betejat një me një. Megjithatë, nuk mendoj se mbrojtësi i Gjermanisë mund ta përballojë Haaland-in”, vazhdoi më tej ai.
Ndeshja e parë gjysmëfinale në mes Reali dhe Cityt zhvillohet më nëntë maj, nga ora 21:00.
