Roma ka shënuar fitore ndaj Athletic Bilbaos, në ndeshjen e parë të 1/8 së finales së Europa League.
Rezultati përfundimtar në stadiumin ”Olimpico”, ishte 2-1.
Baskët kaluan të parët në epërsi, me golin e Inaki Williams, në minutën e 50-të.
Gëzimi i tyre zgjati vetëm gjashtë minuta, pasi Angelino riktheu baraspeshën, duke barazuar rezultatin në 1-1.
Fitoren Romës ia siguroi Eldor Shormurdov, me golin e shënuar në 90+4.
Ndeshja e kthimit, ku do të vuloset skuadra e cila kalon në çerekfinale të Europa League, zhvillohet javën e ardhshme, në stadiumin ”San Mames” në Bilbao.
