Ministri i Shëndetësisë i Republikës së Kosovës, Dr. Rifat Latifi ka takuar mjekët shqiptar që veprojnë në Graz të Austrisë, para tyre ka shpalosur prioritetet duke veçuar shtatë shtyllat e transformimit të shëndetësisë dhe i ka ftuar mjekët për bashkëpunim për transformimin e shëndetësisë në Kosovë.
Komunikata e plotë e Ministrisë së Shëndetësisë:
Ministri i Shëndetësisë i Republikës së Kosovës, Dr. Rifat Latifi, ftoj të gjithë mjekët shqiptar të Republikës së Steiermarkut-Grazit të Austrisë, për bashkëpunim sa i përketë transformimit dhe zhvillimit të sistemit shëndetësor të Kosovës.
Ministri Latifi, në këtë takim shpalosi prioritetet e tij, duke veçuar shtatë shtyllat e transformimit të shëndetësisë, ndër to edhe ktthimi i trurit dhe formimi i 14 Qendrave Ekselente!
Ai veçoi se shëndetësia në Kosovë ka nevojë për ndihmë të strukturuar, e ku diaspora mund të bëjë shumë në këtë drejtim.
Për këtë çështje, ai ftoj mjekët shqiptar në Graz për bashkëpunim, pasi që kthimi i trurit në këtë kohë është më se i domosdoshëm.
Meqë kthimi i trurit është një nga prioritetet kryesore të ministrit Latifi, mjekët dhe studentët shqiptar u shprehën mirënjohës dhe njëherit të gatshëm për bashkëpunim për zhvillimin e shëndetësisë së Kosovës.
Ai ju drejtua të pranishmëve duke ju thënë se kontributi i të gjithëve është më se i nevojshëm në këtë periudhë, pasi që pacienti është në rend të parë dhe se prioriteti kryesor është ofrimi i shërbimeve sa më të mira për qytetarët e Republikës së Kosovës.
Përndryshe, pjesë e këtij takimi kanë qenë edhe shqiptar të suksesshëm të fushës së bizneseve dhe të shoqatave të ndryshme shqiptare në rajonin e Grazit.
Ata u shprehën të gatshëm për të kontribuuar dhe bashkëpunuar me ministrin Latifi, për transformimin e shëndetësisë, në mënyrë që qytetarët të kënë shërbime më të mira shëndetësore.
Ky takim i ministrit Latifi, u realizua në kuadër të vizitës së tij zyrtare në Austri.
